Xera – Berto García

Descripción

Xera ye un nuevu exerciciu reflexivu, nesti casu amirando pa la so propia obra, nel que Berto García aprovecha tola so trayectoria enllena de poesía, docencia y compromisu llingüísticu. Les sos esmoliciones, trataes a fondu en cada entrega mientres estos venti años de xera poética, apaecen equí sublimaes nuna escoyeta que convida a les llectores a somorguiase nel universu d’un autor qu’axunta orixinalidá y oficiu, erudición y pedagoxía: poesía del más altu nivel fecha accesible pa ser esfrutada por tol mundu.

Berto García [Les Vegues, Corvera (1975)]. Mayestru d’Educación Infantil y espertu en llingua asturiana. Con Surdiversu fai la so estrena cola editorial Cuatro Gotes. Autor de los poemarios: Ensin otra sida (Trabe, 2005), Treslallende (Trabe, 2007) [escritu a medies con Carlos Suari], Manual contra’l vacíu (Trabe, 2008) [Premiu Fernán Coronas 2007], Cuando’l mundu debala (Academia de la Llingua Asturiana, 2011) [Premiu Llorienzu Novo Mier 2009], Inercia (Trabe, 2013), Tendal (Suburbia, 2014), Esconderite (Trabe, 2016), Origami (Impronta, 2021), Ítaca (Impronta, 2022) y Cinética (Cuatro Gotes,
2024). Tien amás bien d’obra espardío en revistes lliteraries como: El Canciu’l Cuélebre, Lletres Asturianes, Lliteratura, Formientu, Lletres Lliterariu o Entellunu, y nes antoloxíes y obres colectives: Pa[i]saxes, Cuando la memoria fala, Mina de palabras, poemAEs, Al Horru II y El mejor poema del mundo, 2021. Ye tamién el responsable de la compilación de poesía contemporánea Contra’l silenciu (Suburbia, 2014). Na estaya de la lliteratura infantil fizo les tornes de los llibros: Florenta, la gata poeta (Cumio, 2007) y Les fábules de Leonardo da Vinci (Cumio, 2008).