Volvemos en 6 minutos – Diego Solís

Descripción

Volvemos en 6 minutos ye un llibru completamente innovador: colos spots que nos arrodien fai una obra poética qu’axunta tradición, cultura pop y una visión única de la realidá dende’l filu conductor d’un zapping televisivu.

El llibru, amás de tar organizáu d’esta manera conceptual, pue lleese o sentise, yá que los poemes van en cada páxina con un códigu QR nel que pue sentise al autor recitando les composiciones. Amás, el proyectu sofítase nes illustraciones de la diseñadora gráfica Inés H., inspiraes nos poemes del autor. Poesía que se llee y se siente, qu’entretién y emociona, que forma parte de la lliteratura pero tamién del mundu qu’habitamos: poesía total.

Diego Solís, nacíu en Xixón en 1991, ye graduáu en Llingua Española y les sos Lliteratures pola Universidá d’Uviéu. Ye’l fundador ya ideólogu del movimientu Fame Poétika col que coordina too tipu d’eventos ya alcuentros venceyaos cola lliteratura y la cultura. Co-dirixe la revista de lliteratura moza Formientu. Publicó los sos artículos, poemes y rellatos n’estremaes antoloxíes y revistes. Tien dellos poemarios espublizaos: Hágase abril (Ruleta Rusa Ediciones, 2018), Y el mundu marcha (Saltadera, 2019), Cállanos con esa música (Impronta, 2019, Premiu Asturies Xoven de Poesía 2018) y Nosotros, la primavera (Trabe, 2025, Premiu Asturies Xoven de Poesía 2024).