Surdiversu – Berto García

Descripción

Nesti monumental llibru inxértense cientu trenta y un autores, per orde alfabéticu, col únicu criteriu de seleición de tener, pelo menos, un poemariu editáu n’asturianu. Surdiversu ye una amuesa poética contemporánea qu’apurre un poema de cada autor. Anque en dellos casos ye difícil, duro ya inxusto dexar un solu poema, esta compilación llogra tresmitir la esencia de cada autor y, como coxuntu, supón el percorríu más completu pela nuestra poesía última.

Berto García [Les Vegues, Corvera (1975)]. Mayestru d’Educación Infantil y espertu en llingua asturiana. Con Surdiversu fai la so estrena cola editorial Cuatro Gotes. Autor de los poemarios: Ensin otra sida (Trabe, 2005), Treslallende (Trabe, 2007) [escritu a medies con Carlos Suari], Manual contra’l vacíu (Trabe, 2008) [Premiu Fernán Coronas 2007], Cuando’l mundu debala (Academia de la Llingua Asturiana, 2011) [Premiu Llorienzu Novo Mier 2009], Inercia (Trabe, 2013), Tendal (Suburbia, 2014), Esconderite (Trabe, 2016), Origami (Impronta, 2021), Ítaca (Impronta, 2022) ya Cinética (Cuatro Gotes, 2025). Tien amás bien d’obra espardío en revistes lliteraries como: El Canciu’l Cuélebre, Lletres Asturianes, Lliteratura, Formientu, Lletres Lliterariu o Entellunu, y nes antoloxíes y obres colectives: Pa[i]saxes, Cuando la memoria fala, Mina de palabras, poemAEs, Al Horru II y El mejor poema del mundo, 2021. Ye tamién el responsable de la compilación de poesía contemporánea Contra’l silenciu (Suburbia, 2014). Na estaya de la lliteratura infantil fizo les tornes de los llibros: Florenta, la gata poeta (Cumio, 2007) y Les fábules de Leonardo da Vinci (Cumio, 2008).