Les verdaderes poses del home planta – Francisco Priegue

Descripción

Les verdaderes poses del home planta ye un llibru singular. La obra estrémase en trés partes: árboles, arbustos y plantes yerbácees y, en caúna, delles especies vexetales dan nome a los poemes, pieces tremaes de referencies y surrealismu. Apaecen asina plantes tan conocíes como la tomatera, la cirigüeña o la hortensia, pero tamién otres menos comunes como la mandrágora, la costiella d’Adán o la ñamera.

Francisco Priegue. Autodidacta no rellacionáu pa cola llingua asturiana, na so casa fálase n’amestáu y tien la zuna d’asturianizar les pallabres y espresiones castellanizaes que so güelu pronuncia. Empieza a escribir poesía n’asturianu en 2014, pesie a llevar dende mui neñu escribiendo en castellán. Ye miembru de l’Asociación d’Escritores d’Asturies y en 2017 forma parte de la VII Xunta d’Escritores Asturianos, celebrada en Villaviciosa.

En 2018 algamó’l Premiu Antón de Marirreguera y ve la lluz l’añu siguiente Chemtrails surden na mio boca, (Saltadera). Tien espublizaos dellos poemarios en castellán, ente ellos La procesión nocturna de los treinta y cinco demonios (2016), basáu nel folclor y los cuentos tradicionales de Xapón o La ayuda del abismo (2020), inspiráu nos primeros pasos del ser humanu, dende’l Paleolíticu hasta los primeros asentamientos permanentes. Los sos poemarios caberos caltienen una rellación estrecha cola performance. Tien publicao dellos poemes n’asturianu y en castellán en revistes y antoloxíes como Formientu, Lliteratura, HazConDi Versos, Groenlandia y más recientemente n’Instant.es.