Cinética – Berto García

Descripción

El poemariu Cinética compoónse de veinte poemes enfrentaos, diez pareyes d’ocho versos de conceptos opuestos como «Nueche y día», «Dientro y fuera» o «Galbana y enfotu». García defiende que’l ser humanu, n’ocasiones, deprende’l significáu de los conceptos basándose nel contrariu, d’ehí esi xuegu y amás, l’aprendizaxe ye en movimientu. En cada poema de cada pareya, ún tresmite quietú, calma y l’otru, movimientu, cinética.

Berto García [Les Vegues, Corvera (1975)]. Mayestru d’Educación Infantil y espertu en llingua asturiana. Con Surdiversu fai la so estrena cola editorial Cuatro Gotes. Autor de los poemarios: Ensin otra sida (Trabe, 2005), Treslallende (Trabe, 2007) [escritu a medies con Carlos Suari], Manual contra’l vacíu (Trabe, 2008) [Premiu Fernán Coronas 2007], Cuando’l mundu debala (Academia de la Llingua Asturiana, 2011) [Premiu Llorienzu Novo Mier 2009], Inercia (Trabe, 2013), Tendal (Suburbia, 2014), Esconderite (Trabe, 2016), Origami (Impronta, 2021) ya Ítaca (Impronta, 2022). Tien amás bien d’obra espardío en revistes lliteraries como: El Canciu’l Cuélebre, Lletres Asturianes, Lliteratura, Formientu, Lletres Lliterariu o Entellunu, y nes antoloxíes y obres colectives: Pa[i]saxes, Cuando la memoria fala, Mina de palabras, poemAEs, Al Horru II y El mejor poema del mundo, 2021. Ye tamién el responsable de la compilación de poesía contemporánea Contra’l silenciu (Suburbia, 2014). Na
estaya de la lliteratura infantil fizo les tornes de los llibros: Florenta, la gata poeta (Cumio, 2007) y Les fábules de Leonardo da Vinci (Cumio, 2008).