LOS NUESOS COMPROMISOS
Pa nós, la xestión y la producción nun son namái procesos téunicos, sino una estensión de la nuesa manera d’entender el mundu.
La nuesa actividá ríxese por una serie de principios irrenunciables que garanticen la coherencia ente lo que dicimos y lo que facemos.
Compromisu col mediu ambiente
En Cuatrogotes Producciones queremos dexar pal futuru un planeta meyor del que mos dexaron a nós.
Por ello tenemos el compromisu de faer tolo que tea nes nueses manes pa amenorgar la güelga de carbonu que pueda dexar la nuesa actividá.
Compromisu col asturianu y la diversidá llingüística
Cuatrogotes Producciones ye una empresa que tien nel compromisu llingüísticu col asturianu un elementu que mos define.
Comprometémonos a que la nuesa llingua de trabayu seya l’asturianu, dende los estatutos de la sociedá, onde se define al asturianu como llingua oficial de la empresa, al trabayu del día a día, asina como a ufrir y animar a los nuesos veceros a usar l’asturianu na so actividá y a falicita-yos la presencia del idioma nos productos que faemos.
Compromisu col comerciu de cercanía y el comerciu xustu
Somos una pequeña empresa y queremos apoyar el llabor de les empreses de la nuesa rodiada.
Asina, comprome- témonos a priorizar el trabayu col comerciu llocal y cercanu, y cuando nun seya posible, con empreses y productos de fabricantes que cumplan colos Derechos Humanos y el cuidáu del mediu ambiente.
Compromisu con una sociedá plural y tolerante
Dende la nuesa actividá vamos trabayar por crear productos qu’ayuden a tresformar el mundu nel que vivimos y collaboren a faelo más plural y tolerante con toles persones.
Comprometémonos a nun trabayar na creación de productos que vayan en contra del fomentu d’estos valores.
